သီးနှံအထွက်တိုးစေရန် အားထားစရာ သဘာဝမြေသြဇာသီးနှံပင်များ
အသက်ရှင်ကြီးထွားရန်နှင့် မျိုးဆက်ပြန့်ပွားရေးအတွက် အာဟာရ ဓာတ် ၁၆ မျိုး
လိုအပ်သည်။ အဆိုပါ လိုအပ်သည့်ဓာတ်များကို လေနှင့် မြေကြီးမှ စုပ်ယူသည်။
ကာဗွန်၊ အောက်ဆီဂျင်၊ ဟိုက်ဒရိုဂျင်နှင့် နိုက်ထရိုဂျင်တချို့ကို လေမှ
စုပ်ယူပြီး ကျန်နိုက်ထရိုဂျင်၊ ဖော့စဖရပ်၊ ပို တက်စီယမ်နှင့်
အနည်းလိုအာဟာရဓာတ် များကို မြေကြီးမှ စုပ်ယူသည်။စပါးရင့်မှည့်ချိန်တွင်
ကောက်ရိုးနှင့် ရိုးပြတ်များသည် မြေကြီးထဲမှ နိုက်ထရိုဂျင်ဓာတ် ၄၀
ရာခိုင်နှုန်း၊ ဖော့စ်ဖရပ် ၃၀ ရာခိုင်နှုန်းမှ ၃၅ ရာခိုင်နှုန်း၊
ပိုတက်စီယမ်ဓာတ် ၈၀ ရာခိုင်နှုန်းမှ ၈၅ ရာခိုင်နှုန်း၊ ဆာလ်ဖာဓာတ် ၄၀
ရာခိုင်နှုန်းမှ ၅၀ ရာခိုင်နှုန်းထုတ်နုတ်သုံးစွဲသွားသည်။ဤကဲ့သို့
သီးနှံပင်များက မြေကြီးထဲရှိ အာဟာရဓာတ်များကို စုပ်ယူသွားသည့်အတွက်
မြေကြီးထဲတွင် အဟာရဓာတ်များ တဖြည်းဖြည်းလျော့ နည်းသွားသည်။ စပါးသီးနှံတွင်
ရိတ်သိမ်းပြီး ရိုးပြတ်နှင့် ကောက်ရိုးကို မီးရှို့ပစ်ပါက နိုက်ထရို
ဂျင်အားလုံးဆုံးရှုံးသွားသည်။ ထို့အတူ ဖော့စဖရပ် ၂၅ ရာခိုင်နှုန်း၊
ပိုတက်စီယမ် ၂၀ ရာခိုင်နှုန်း၊ ဆာလ်ဖာ ၅ ရာခိုင်နှုန်းမှ ၆၀
ရာခိုင်နှုန်း၊သွပ်ဓာတ်နှင့် ဆီလီကာဓာတ်များလည်း ဆုံးရှုံးသွားသည်။ သို့အတွက်
တချို့နိုင်ငံများတွင် ရိုးပြတ်ကို
မီးရှို့မပစ်ရန်တားမြစ်လျက်ရှိသည်။သီးနှံပင်များက
ထုတ်နုတ်စုပ်ယူသွားသည့်အတွက် ကုန်ခန်းသွားသော အဟာရဓာတ်များကို
ပြန်လည်ဖြည့်ဆည်းမပေးပါက အဟာရဓာတ်ခန်းခြောက်သွားပြီး မြေ
ကြီးပျက်သုဉ်းသွားသည်။ ဤအဖြစ်အပျက်မျိုးကို လယ်သမားကြီးများက မြေကန်း
သွားသည်ဟု ခေါ်ကြသည်။ယခုခေတ်ကဲ့သို့ သီးထပ်၊ သီးညှပ် များများ
စိုက်ပျိုးသောအခြေအနေတွင် အာဟာရဓာတ်များ ပြန်လည်ဖြည့်စွမ်းပေးပြီး
မြေကြီးကို အားဖြည့်ပေးရန် ပိုမိုလိုအပ် သည်။ အာဟာရဓာတ်များ
ပြန်လည်ဖြည့်စွမ်းသည့်အခါ နိုက်ထရိုဂျင်၊
ဖော့စ်ဖရပ်နှင့်ပိုတက်စီယမ်များအတွက် ဓာတ်မြေသြဇာ များကို ထည့်ပေးခြင်းက
ပိုမိုထိရောက် သည်။ ကျန်အနည်းလို အာဟာရဓာတ်များအတွက် သဘာဝမြေဆွေး၊
မြေသြဇာများ ကို ထည့်ပေးပါက ပို၍အကျိုးရှိသည်။ဓာတ်မြေသြဇာများကို
သုံးသည့်အခါ ဓာတ်မြေ သြဇာတစ်မျိုးတည်း ဆက်တိုက်သုံးပါက ရေရှည်တွင်
မြေဆီလွှာပျက်စီးပြီး၊သီးနှံ အထွက်ကျစေသဖြင့် ဓာတ်မြေသြဇာနှင့်
သဘာဝမြေသြဇာကို အချိုးညီညီရောစပ် အသုံးပြုရန် လိုအပ်သည်။ဤသို့ဆိုလျှင်
သဘာဝမြေသြဇာများများရရှိရန်
လိုအပ်မည်ဖြစ်သည်။ထို့ကြောင့်သဘာဝမြေသြဇာများများရနိုင်သည့် နည်း
လမ်းကောင်းများကို တင်ပြပါမည်။
သဘာဝမြေသြဇာရရှိနိုင်သောအခြေခံအရင်းအမြစ်များမှာ တိရစ္ဆာန်အညစ် အကြေး၊
နွားချေး၊ ကြက်ချေး၊ ၀က်ချေး၊ ဘဲချေး၊ လင်းနို့ချေး၊ ငါး၊ ပုစွန်၊
ခရု၊ဂဏန်း စသည့် ခန္ဓာကိုယ်အကြင်းအကျန်းများ၊ တိရစ္ဆာန်အရိုးမှုန့်များ၊
““ကျေးရွာအမှိုက်၊ လယ်ယာမြေရတနာသိုက်”ဆိုသည့် အတိုင်း ကျေးရွာမှထွက်သည့်
အမှိုက် သရိုက်များ၊ သီးနှံပင်အကြင်းအကျန်၊ ကောက်မှော်၊ ပဲမှော်၊
နှမ်းမှော်၊ ပြောင်းရိုး၊ပဲရိုး၊ ပဲဖတ်၊ နှမ်းဖတ်၊ ကြက်ဆူကြိတ်ဖတ်၊ ဖွဲနု၊
ဆန်ကွဲ၊ သဘာဝကျောက်များမှထွက် သည့် ဂျစ်ပဆန်ကျောက်မှုန့်နှင့်
လကြေးကျောက်မှုန့်များ၊ မြစ်၊ ချောင်း၊ အင်းအိုင် များရရှိနိုင်သည့်
နုန်းများ၊ သစ်စိမ်းမြေသြ ဇာအပင်များ၊ ဗေဒါများ၊ ဒိုက်များအားလုံးသည်
သဘာဝမြေသြဇာများဖြစ်ကြသည်။သီးနှံအမှော်၊ အမှိုက်၊ အရိုးများ၊
ကျေးရွာအမှိုက်များကို အီးအမ်ဖျော်ရည်နှင့် ဘို ကာရှီ မြေဆွေးပုံပြုလုပ်၍
မြေဆွေးကို ဆပွားနိုင်သည်။ နွားချေး၊ ဖွဲနု၊ စပါးခွံနှင့်
အီးအမ်ဖျော်ရည်ရောစပ်ပြီး စူပါဘိုကာရှီ ပြု လုပ်ပါကလည်း မြေဆွေးများများ
ရရှိနိုင်သည်။ဝါးရုံပင်အောက်မှ သဘာဝမြေဆွေးနှင့် နွားချေး၊ သစ်ရွက်ဆွေး၊
ဖွဲနုနှင့်ရောပြီး မြေဆွေးပြုလုပ်ပါက သဘာဝမြေဆွေးများများပွားနိုင်သည်။
အိန္ဒိယပြည်တွင် ၁၉၅၄ ခုနှစ်ကစပြီး မြို့ပြအမှိုက်များကို သဘာဝမြေသြဇာ အဖြစ်
တစ်နှစ်မက် ထရစ်တန်နှစ်သန်း ကျော်ထုတ်လုပ်ပြီး သီးနှံအထွက်တိုးရေး အတွက်
ဖြန့်ဖြူးပေးလျက်ရှိသည်။ထို့အတူ တရုတ်ပြည်တွင် လူ၊ တိရစ္ဆာန်အညစ် အကြေးနှင့်
နုန်းများကို စနစ်တကျရောစပ် ၍ နှစ်စဉ်သဘာဝမြေသြဇာတန်ဘီလျံသန်းနှင့် ချီ၍
ထုတ်လုပ်ပြီး သီးနှံအထွက်တိုးရေးကို အသုံးပြုလျက်ရှိသည်။ဆန်ကွဲ၊ ဖွဲနုကို
မြေယာပြုပြင်သည့် အချိန်တွင် တစ်ဧက လေးပြည်နှုန်း ကြဲပက်ပေးပါက
သက်ရှိအနုဇီဝများ ပွားများအားကောင်းစေပြီး သီးနှံပင် အကြင်းအကျန်
ဆွေးမြည့်မှုမြန်စေသည်။ မြေဆွေးဓာတ် တက်စေသည်။
“မြေတန်ဆန်ပက်”ဟုလယ်သမားကြီးများက ဆိုကြသည်။နောက်တစ်နည်းမှာ နွားချေးကို
ကျင်းစနစ်ဖြင့် စနစ်တကျ သိုလှောင်ခြင်းဖြစ် သည်။
နိုင်ငံတော်တော်များများတွင် နွားချေးကိုကျင်းစနစ်ဖြင့်
စနစ်တကျသိုလှောင်ပြီး တန်ဖိုးရှိရှိ အသုံးပြုကြသည်။ မြန်မာ လယ်သမားများသည်
နွားချေးစနစ်တကျ သိုလှောင်ခြင်း မပြုဘဲ မိုးရွာအစို၊ နေပူ
အခြောက်ပစ်ထားသဖြင့် အသုံးပြုချိန်တွင် အာဟာရမရှိသော နွားချေးခြောက်သာ
ဖြစ်နေသည်။တန်ဖိုးမရှိ၊ အကျိုးမများလှပေ။ သို့အတွက် နွားချေးစနစ်တကျ သို
လှောင်ရန်အတွက် လယ်သမားကြီးများ၏ ရှိပြီးနွားတင်းကုပ်ဘေးတွင် အကျယ် ၁၀ ပေ၊
အနက် လေးပေကျင်းတူးပါ။ တူး၍ ရရှိသောမြေစာများကို မိုးရေမ၀င်စေရန် ပတ်လည်
ကန်သင်းဖို့ထားပါ။ကျင်းအပေါ်မှ အမိုး မိုးပေးထားရန် လိုအပ်သည်။ ကျင်းထဲသို့
နေ့စဉ်ရရှိသည့် နွားချေး၊ နွားသေး၊ စားခွက်ကျန်နွားစာများ၊
နွားခွာစာခင်းကောက်ရိုး၊ အမှိုက်သရိုက်အားလုံး ထည့်ပေးပါ။ တစ် ပတ်လျှင်
တစ်ကြိမ် ဆန်ကွဲ၊ ဖွဲနု၊ တစ်ပြည်ခန့်ပက်ပေးပြီး၊အီးအမ်ဖျော်ရည်ဖျန်းပေး ပါ။
ဤသို့ဖြင့် နေ့စဉ်ရရှိသော နွားချေး၊ နွားသေး၊ အမှိုက်များကို စုဆောင်းပါ။
သီးနှံစိုက်ချိန်ရောက်လျှင် ကျင်းထဲမှ အာဟာရပြည့်တန်ဖိုးရှိသည့်
နွားချေးမြေဆွေးကို လယ်ထဲချပေးရန်ဖြစ်သည်။ နွားချေးကျင်း စနစ်သည်
သုံး၍မကုန်နိုင်သော မြေဆွေး စက်ရုံတစ်ရုံ မိမိအိမ်ဘေးတွင် တည်ထား
ဘိသကဲ့သို့ အကျိုးများနိုင်သည်။သဘာဝမြေဆွေး လွယ်လွယ်ရရှိနိုင်
သောနည်းတစ်နည်းမှာ မိမိအိမ်တွင် တစ် နိုင်တစ်ပိုင် တီကောင်မွေးမြူထားပါက
တီကျစ်စာမြေဆွေးကို လွယ်လွယ်ရရှိနိုင် သည်။ နိုင်ငံတကာတွင် လယ်မြေ၊ ယာမြေ
များကို နုန်းထည့်ပေးခြင်းလုပ်ငန်းကို ကျယ်ကျယ်ပြန့်ပြန့်
ဆောင်ရွက်လာကြသည်။ မြစ်ချောင်း၊ အင်းအိုင်များ၊ ရေငန်တက် သော
ချောင်းများတွင် သဘာဝအလျောက် အာဟာရတန်ဖိုးပြည့်ဝအောင် စုဆောင်း ပေးထားသော
နုန်းများ များစွာရရှိနိုင်သည်။နုန်းထည့်ခြင်းသည် ဓာတ်မြေသြဇာအသင့်
အတင့်သုံးခြင်းဖြင့် သီးနှံအထွက်တိုးစေနိုင်သည်။ သို့အတွက်
“အလွယ်ကူဆုံး၊အဖိုး တန်နုန်း၊ အကျိုးရှိစွာသုံး””ဟု တိုက်တွန်း လိုပါသည်။
အိန္ဒိယ၊ တရုတ်၊ ဗီယက်နမ် နိုင်ငံများတွင် မြစ်ချောင်းအင်းအိုင်များမှ
နုန်းကို လယ်အတွင်းသို့ ရေစုပ်စက်ဖြင့် စုပ်တင်ကြသည်။တချို့နုန်းကို
စုပ်တင်ပြီး သီးသန့် စုဆောင်းကြသည်။ စုဆောင်းရရှိသောနုန်းများကို နွားချေး၊
မြေဆွေး၊ သစ်ရွက် ဆွေး၊ သီးနှံအမှော်အမှိုက်များနှင့် ရောနှပ် ထားပြီး
သဘာဝမြေဆွေးအဖြစ် တွင်တွင် ကျယ်ကျယ် အသုံးပြုလျက်ရှိကြသည်။ ၁၉၇၇ ခုနှစ်၊
ကမ္ဘာ့စားနပ်ရိက္ခာအဖွဲ့၏ အစီရင်ခံစာအရ နုန်းနှင့် သဘာဝမြေသြဇာ
အသုံးပြုသဖြင့် နှံစားသီးနှံတစ်ဟက်တာမှ ၁၅,၄၈၀ ကီလိုဂရမ်ထွက်ရှိကြောင်း
ဖော်ပြထားသည်။သဘာဝမြေသြဇာများများ ရရှိနိုင် သော တခြားတစ်နည်းမှာ
သစ်စိမ်းမြေသြ ဇာကျွေးခြင်းပင်ဖြစ်သည်။ သစ်စိမ်းမြေသြဇာအဖြစ် အဇိုလာ
ရေကျောက်ခက်၊ ညံပင်၊ ပိုက်ဆံလျှော်ပင်၊ ပဲလွမ်း၊ ပဲတီစိမ်း၊ ဒန့်ကျွဲ၊
ဘောစကိုင်း၊ ကုက္ကို၊ ဗေဒါစသည့်အပင် များဖြစ်သည်။ ဗေဒါပင်တွင်
ကယ်လ်စီယမ်ဓာတ် ၃၈ ရာခိုင်နှုန်းထိ ပါဝင်ကြောင်း
တွေ့ရသည်။အဇိုလာရေကျောက်ခက်ကို မြန်မာ နိုင်ငံရှိ ရေအိုင်၊
ရေဆိုးမြောင်းများတွင် များစွာပေါက်ပွားလျက်ရှိသည်ကို တွေ့ရသည်။ အဇိုလာတွင်
နိုက်ထရိုဂျင်ဓာတ် သုည ဒသမ ၂ ရာခိုင်နှုန်းနှင့် သစ်ဆွေးဓာတ် ၄၈
ရာခိုင်နှုန်းပါဝင်သည်။ အဇိုလာကို တစ်ဧကနှစ် တန်နှုန်းထည့်ပေးလျှင်
နှစ်ပတ်အတွင်း အဇိုလာ အစိုရှစ်တန်အထိ ပွားနိုင်ပြီး ယူရီးယား ၃၅
ပေါင်နှင့်ညီမျှသော နိုက်ထရိုဂျင်ဓာတ်အပြင် သစ်ဆွေးဓာတ်လည်း
ရရှိသည်။အဇိုလာကို သစ်စိမ်းမြေသြဇာအဖြစ် အသုံးပြုသည့်အတွက်
ဖိလစ်ပိုင်နိုင်ငံတွင် စပါးအထွက် နှစ်ရာခိုင်နှုန်း၊ ဗီယက်နမ်နိုင်ငံတွင်
၁၉၇၇ ခုနှစ် စမ်းသပ်တွေ့ရှိချက်အရ စပါးအထွက် ငါးရာခိုင်နှုန်းမှ ၂၂
ရာခိုင်နှုန်းတိုးတက်ထွက်ရှိကြောင်း တွေ့ရသည်။သစ်စိမ်းမြေသြဇာအဖြစ်
အသုံးပြုနိုင်သော အပင်များ၏ အာဟာရဓာတ်ပါဝင်မှု ကို လေ့လာကြည့်လျှင်
ပိုက်ဆံလျှော်ပင်တွင်နိုက်ထရိုဂျင် ၂ ဒသမ ၆၆ ရာခိုင်နှုန်း၊ ဖော့စ်ဖရပ်ဓာတ်
သုည ဒသမ ၄ ရာခိုင်နှုန်း၊ ပိုတက်စီယမ်ဓာတ် ၁ ဒသမ ၉၁ ရာခိုင်နှုန်းပါဝင်ပြီး
ပိုက်ဆံလျှော်တစ်ဧက အစိုခုနစ် တန် ထည့်ပါက ယူရီးယား ၁၆၈ ပေါင်နှင့်
ညီမျှသော နိုက်ထရိုဂျင်ဓာတ်ကို ရရှိသည်။တစ်ဧက စပါး ၁၀၄ တင်းထွက်ရှိကြောင်း
တွေ့ရသည်။ ညံပင်တွင် နိုက်ထရိုဂျင်ဓာတ်ကို ၃ ဒသမ ၂၂ ရာခိုင်နှုန်း၊
ဖော့စ်ဖရပ်သုည ဒသမ ၂၉ ရာခိုင်နှုန်း၊ ပိုတက်စီယမ် သုညဒသမ ၉၅ ရာခိုင်နှုန်း
ပါဝင်သည်။ ညံပင် အစိုတစ်ဧက ၅ ဒသမ ၄ တန်ထည့်သွင်း ပါက ယူရီးယား ၁၆၈
ပေါင်နှင့်ညီမျှသော နိုက်ထရိုဂျင်ရရှိပြီး စပါးတင်း ၁၀၂ တင်း ထွက်ရှိသည်။
ကုက္ကိုရွက်တွင် နိုက်ထရိုဂျင် ၃ ဒသမ ၆၁ ရာခိုင်နှုန်း၊ ဖော့စ်ဖရပ် သုည ဒသမ
၂၇ ရာခိုင်နှုန်း၊ ပိုတက်စီယမ် ၂ ဒသမ ၃၂ ရာခိုင်
နှုန်းပါဝင်သည်။ကုက္ကိုက်ရွက်စို တစ်ဧက ခြောက်တန်ထည့်သွင်းပါက ယူ ရီးယား ၁၉၂
ပေါင်နှင့်ညီမျှသော နိုက်ထရိုဂျင်ရရှိပြီး စပါး ၁၀၆ တင်းထွက်ရှိသည်။
သစ်စိမ်းမြေသြဇာအဖြစ် အပင်များကို အသုံးပြုပါက မြေဆီလွှာ၏ ဂုဏ်သတ္တိပါ
ပြောင်းလဲစေနိုင်ပြီး အာဟာရတန်ဖိုးလည်း တက်စေနိုင်သည်။သို့ပါ၍ သီးနှံများ
အထွက်တိုးစေရန်နှင့် အထွက်နှုန်းများ တည်တံ့တိုးပွားစေရန်အတွက်
ဓာတ်မြေသြဇာသာမက သဘာဝမြေသြဇာများကိုလည်း အလေးထား၍ ဂရု ပြုသုံးစွဲကြရန်
လိုအပ်ပေသည်။- အောင်ဆန်း (စိုက်ပျိုးရေး)
Share this