#ကွမ်းယာသည်ရဲ့ 5S Methodology#
ဘာရယ်မဟုတ် သင်တန်းပီးလို့ Taxi စောင့်နေစဉ်၊ ဆရာ ဆရာ ကျွန်တော့် ကွမ်းယာဆိုင်လေးလာကြည့်ပေးပါတဲ့။ ကျွန်တော် Lecture Notes တွေဘာတွေ Photocopy ဆွဲခိုင်းနေကြ ကွမ်းယာသည်လေး။ Taxi စောင့်နေလို့ သူ့ဆိုင်ထိုင်ရင် အမြဲတိုင်း ဟိုမေး ဒီမေးလုပ်တတ်သူ။ မြင်းခြံကအညာသားလေး အဖေလေဖြတ်လို့ ဒုတိတယနှစ် စက်မှုစွမ်းအားကို ကျောင်းထွက် Practical လုပ်စရာမလိုတဲ့ သမိုင်းအဓိက အဝေးသင်ယူ၊ ရန်ကုန်ရောက်ရောက်ချင်းမုန့်ဟင်းခါးရောင်းရာက အခု ကွမ်းယာဆိုင်။
ဆရာ့ Notes တွေတပည့် Copy ကူးထားတာဆရာ အခု ဆရာရေးထားတဲ့ Notes ထဲက စ ၅ လုံး ဗျူဟာသဘောကျလို့တဲ့။ ၂ ရက်ကို ၈သောင်း ယူတဲ့ Lean Philosophy နဲ့ JIT ကိုသူမတတ်နိုင်ပါဘူး။ လွန်ခဲ့တဲ့ နှစ်ပတ်က Copy ဆွဲထားတာ ၅ စုံ သူလာမေးတာ ၆ စုံတစ်စုံပိုတယ်။ ဆရာ ကျွန်တော်ဖတ်ချင်လို့ ကူးလာတယ်တဲ့၊ ကျွန်တော် ပေးသာပေးလိုက်တာ ပွင့်ပွင့်လင်းလင်းပြောရင် ကွမ်းယာသည်တစ်ယောက်ဆီက JIT ကို Apply လုပ်မယ့် Application တွေကိုမမျှော်မှန်းဘူး။
ဒီနောက်ပိုင်းမှာတော့ အမြဲတိုင်း တခွန်းစနှစ်ခွန်းစမေးတော့ ကျွန်တော်ပြန်ဖြေတယ်။ တက္ကစီရှားတဲ့ အချိန်ဆို ဆရာထိုင် ဆရာထိုင် ဆို ခုံတလုံးပေးပြီး တက္ကစီသူငှါးပေးတယ်။ အဲဒီသင်တန်းဘက်က သိပ်မရောက်ဖြစ် များသောအားဖြင့် Lean Class ပဲရှိတော့ ရက်နည်းသလိုအတန်းလည်းနည်းတယ်။ဆရာ 5S ကိုတပည့်လုပ်ထားတယ် ကြည့်ပေးပါဦးဆိုပဲ။
ဒါနဲ့ လှည့်ကြည့်လိုက်တော့ ကျွန်တော် အတော်အံ့သြသွားတယ်။ ခါတိုင်းမြင်နေကျ ကော်ပုန်း အနောက်အပြာရောင်နေနဲ့ ထည့်ထားတဲ့ ထုံးဟာ အကြည်ရောင်ကော်ပုန်းထည့်ထားတယ်။ နောက် ထုံးတွေပေနေတဲ့ ဆေးဘူးလေးတွေနေရာမှာ မီးဖိုဆောင်မှာ သုံးတဲ့ အချိုမှန့် ဆားထည့်တဲ့ ပလပ်စတစ်အကြည်ခွက်တန်းလေး စာတွေရေးထားတယ် ဘာဆေးဆိုတာ၊ ဇွန်းအသေးတချောင်း၊ ကွမ်းယာတဲ့ ထုံးတွေပေ၊ ကျောက်ဖြစ်ပြီးဝါနေတဲ့မှန်အစား မှန်ကြည်လေးတွေ့ရတယ်။ အောက်ကစားပွဲခုံဗီဒိုအဖုံးမှာ A4 ပလပ်စတစ်လောင်းထားတဲ့ A4 မှာ မည်သည့်ကွမ်းယာဆို မည်သည့်ဆေးကိုမည်သို့ထည့်မည်ဆ်ိုတဲ့ Procedure၊ ထုံးဖျော်တာကို နွားနို့ နဲ့ စပါကလင်မ်သို့ရောမည်ဆိုတဲ့ Procedure တွေပါတွေ့ရတယ်။
ဘာတွေဘာကြောင့်ဆိုတာသူနားမလည်ပေမယ့် Sort, Set in Order, Shine, Standadized ရဲ့သဘောတရားကို နားလည်တယ်။ Sustain ကိုသူပြောသွားတာ ဆရာ အခုကွမ်းယာပြီးလို့ကျသွားတဲ့ ထုံးကို ချက်ချင်းသုတ်ပြီး မုန်ကိုသန့်အောင်ထားတယ်တဲ့။ ကော်ပုန်းတွေ ကေိာခွက်အကြည်တွေဟာ သူ Visual Management အတွက်သုံးတာ ဆိုတာကျွန်တော်မြင်တယ်၊ Procedure တွေရေးထားတာမြင်တယ်။ ဆရာထူးခြားတယ်တဲ့ အခု ၁၀ တန်းတက်တဲ့ ညီလေးကွမိးယာရင်လည်း ကျွန်တော်ယာတဲ့ကွမ်း ကျွန်တော်စပ်တဲ့ ထုံးနဲ့အနီးစပ်ဆုံးတူတယ်တဲ့။ တူမှာပေါ့ Procedure နဲ့ ယာတာကိုး။
မြန်မာပြည်မှာ ပထမဆုံးကျွန်တော်မြင်တဲ့ Traditional Approach နဲ့ကနေ သွေဖီတဲ့ Lean Operation ပါ။ တချိန်ထဲမှာ ကျွန်တော့် သင်တန်းကြော်ငြာအောက်က အလစ်ပဲစိ Comment ပိုင်ရှင်တွေ သင်တန်းထဲက ပညာတတ်ဘွဲ့ရတပည့်ဆိုသူများကို မြင်လာတယ်။ စိတ်မကောင်းဘူး။ သင်တန်းမတက်နိုင်တဲ့ ကွမ်းယာသည် Lecture Notes တစုံကော်ပီဆွဲပီး စာဖတ်တဲ့ ကွမ်းယာသည်တောင်မမှီဘူး။ ဆကာ ဘယ်လိုလဲဆရာတဲ့။ အေး......မင်းသာ စက်မှုဆက်တက်လို့ BE ဘွဲ့ရရင် ကြောက်စရာကောင်းတဲ့ အင်ဂျင်နီယာဖြစ်လာမယ်။ တက္ကဆီပေါ်အတက် စဉ်းစားမိတာ နိုင်ငံရေးပြောင်း ပညာရေးပြောင်းရင် ထွက်ပေါ်လာမယ့် မီးခဲပြာဖုံး Innovators တွေ မြန်မာပြည်မှာများပါတကား။
Zeyar Than Win
Share this